• Fuad Muradovun Gürcüstana ilk rəsmi səfəri  Gürcüstan mətbuatında geniş işıqlandırılıbFuad Muradovun Gürcüstana ilk rəsmi səfəri Gürcüstan mətbuatında geniş işıqlandırılıb
  • Gürcüstanın Starvision televiziya kanalında  Fuad Muradovun müsahibəsi yayımlanacaqGürcüstanın Starvision televiziya kanalında Fuad Muradovun müsahibəsi yayımlanacaq
  • Gürcüstanda səfərdə olan Diasporla İş üzrə Dövlət Komitəsinin sədri Fuad Muradov iyunun 16-da bu ölkənin barış və vətəndaş bərabərliyi üzrə dövlət naziri Ketevan Tsixelaşvili ilə görüşübGürcüstanda səfərdə olan Diasporla İş üzrə Dövlət Komitəsinin sədri Fuad Muradov iyunun 16-da bu ölkənin barış və vətəndaş bərabərliyi üzrə dövlət naziri Ketevan Tsixelaşvili ilə görüşüb
  • Bolnisi rayonunun Faxralı kəndində ictimaiyyət nümayəndələri ilə görüş keçirilibBolnisi rayonunun Faxralı kəndində ictimaiyyət nümayəndələri ilə görüş keçirilib
  • Diaspor rəhbəri Misirin nüfuzlu  televiziya kanalının qonağı olub.Diaspor rəhbəri Misirin nüfuzlu televiziya kanalının qonağı olub.


Xəbərlər


"Cəngi" etno-caz qrupu Fransada konsert verib
2017-12-05 | 16:03 |

 Fransanın Uaz departamentinin Silly-Thillard şəhərində “Cəngi” caz qrupunun iştirakı ilə Azərbaycan etno-caz musiqisindən ibarət konsert keçirilib. Azərbaycanın Fransadakı Səfirliyinin dəstəyi, Azərbaycanın Dostları Assosiasiyası və Xərçəngə Qarşı Liqanın Uaz bürosunun təşkilatçılığı  ilə baş tutan konsert xərçəng xəstəliyinə qarşı mübarizə aparan liqaya yardìm məqsədlə həyata keçirilib.

Silly-Thillard şəhərinin meri Jan Vertadye tədbiri açaraq,  konsertin təşkilatçılarına, xüsusən də, Azərbaycanın Dostları Assosiasiyasına belə gözəl təşəbbüsə görə təşəkkürünü bildirib. 

Azərbaycan Dostları Assosiasiyasının prezidenti Jan Fransua Mansel isə assosiasiyanın fəaliyyəti və həyata keçirilən layihələri haqqında danişıb. Azərbaycan barədə tamaşıçılara məlumat verə J.F.Mansel onun qədim tarixə və mədəniyyətə malik olduğunu deyib. O, həmçinin, Ermənistan-Azərbaycan, Dağlıq Qarabağ münaqişəsi, ölkənin 20 faiz torpaqlarının işğal altında olması barədə tamaşaçiları məlumatlandırıb. J.F.Mansel qeyd edib ki, bu kimi layihələr Azərbaycanın, azərbaycanlıların qədim və zəngin mədəni irsinin Fransada təbliğinə xidmət edir. O, Azərbaycan musiqisini Avropada tanıtmaq üçün etno-caz layihəsinin maraqlı seçim olduğunu bildirib. 

Daha sonra Azərbaycanın Dostları Assosiasiyasının baş katibi Mirvari Fətəliyeva Azərbaycan musiqisi və “Cəngi” qrupu haqqında məlumat verib. O, Muğam sənətinin çox qədim köklərə malik olduğunu, muğamın UNESCO-nun qeyri-maddi mədəni irs siyahısına daxil edildiyini bildirib. 

1992-ci ildə məşhur caz ustası və bəstəkar Rafiq Babayevin bünovrəsini qoyduğu “Cəngi” qrupu  2002-ci ildən etibarən Azərbaycanın əməkdar artisti Mircavad Cəfərovun rəhbərliyi ilə fəaliyyət göstərir. Mircavad Cəfərov, Mircavid Cəfərov, İsgəndər Ələsgərov, Vasif Hüseynzadə, Ruslan Hüseynov  kimi istedadlı musiqiçilərdən ibarət olan “Cəngi” qrupu, geniş, kolorotli repertuarı ilə fransalı tamaşaçıların rəğbətini qazanıb. 

Onu da qeyd edək ki, “Cəngi” qrupu müxtəlif  beynəlxalq festivallarda iştirak edərək Azərbaycanın milli sərvəti olan Muğam və caz janrının sintezini yeni çalarlarla, özünəməxsus impovizasiyalarla musiqisevərlərə çatdırır. 





2018-06-21 |
2018-06-20 |
2018-06-20 |
2018-06-20 |
2018-06-19 |
2018-06-18 |
2018-06-16 |
2018-06-16 |
2018-06-16 |
2018-06-14 |
MEDİATEKA
Videoqalereya Fotoqalereya Nəşrlər
2010-03-16
DÜNYA AZƏRBAYCANLILARININ II QURULTAYI
VEB LAYİHƏLƏR


Azərbaycan Respublikası Diasporla İş Üzrə Dövlət Komitəsi. All rights reserved